unha romaría de santa margarita [videoclip]

Levo a mirada en eastmancolor dende que me paseo polas páxinas de “A viaxe de Gagarin” de Agustín Fernández Paz, ando por unha Coruña que existía antes desta que medrou porriba dela.
Por iso este ano, á romaría de Santa Margarida. Formar parte da tradición. Imaxinar o antiguo outeiro reconvertido en parque urbano. Reconstruír no meu maxín os muíños de vento. A emisora espía de 1940, camuflada como RNE nos camións alemáns. Mirar a actual fonte, e vela coma cando era a “fonte dos caños”, a uns 200 m. da antiga capela monte abaixo. Esa fonte tan milagreira que á cofradía da santa non podían pertencer médicos nen boticarios, por non facerlle sombra no oficio de sanar. Percorrer internet á busca de fotos antigas, recuncar en A. Martí, o fotógrafo das maletas tristes.

man of the hour

Se che queda prendida a tele, porque non dormes ben, e cando espertas á mañá están botando o final de Big fish, pode que quede envolvéndote unha atmósfera agridoce e misteriosa mentres soa a música dos títulos de crédito. Que te acompañe na ducha, baixando no ascensor, que a leves arrastro no medio do tráfico. E quen sabe se irás toda a mañá como se vai entre a brétema, e ao lonxe inda siga soando “Man of the hour

monfero

Camposanto no Mosteiro de Monfero